۳۰ مهر ۱۳۹۱ مصادف با پنجم ذی الحجه ۱۴۳۳
بسم الله الرحمن الرحیم الحمدلله رب العالمین و صلوات الله و سلامه علی الرسول الاعظم الأمین و علی آله المطهّرین المنتجبین و صحبه المیامین. رحمتاں تے برکتاں نال پُر حج دا موسم آپہنچیا اے تے ھک واری فیر سعادتمنداں نوں ایس نورانی مقام تے ح
بسم الله الرحمن الرحيم
الحمدلله رب العالمين و صلوات الله و سلامه علي الرسول الاعظم الأمين و علي آله المطهّرين المنتجبين و صحبه الميامين.
رحمتاں تے بركتاں نال پُر حج دا موسم آپہنچيا اے تے ھك واري فير سعادتمنداں نوں ايس نوراني مقام تے حاضر ہوون دا شرف حاصل ہويا اے كيوں جے او فيض الہي توں مستفيذ ہوون تے ايس تھاں تے ايس ٹيم حج دے اعمال انجام ديون والے نوں مادي تے معنوي كمال حاصل كرن ول بلايا جاندا اے ايتھے مسلمان بندے تے زنانياں فلاح تے نجات لئي خدا وند متعال دي دعوت تے لبيك آكھدے نيں۔
ايتھے ہر ھك نوں بھائي چارے ، يكجہتي تے پرہيزگاري دي مشق دا موقع فراہم ہوندا اے تے اے كم مسلماناں دي تعليمي تے تربيتي وركشاپ ہوون دے نال نال امت اسلامي دي وحدت ، عظمت تے كثرت دي نمائش تے شيطان تے طاغوت نال لڑن دا ميدان كارزار وي اے ايس تھان نوں خداوند حكيم تے قدير نيں ھك ايسي سرزمين قرار دتا اے جتھے مومنين اپنيں منافع نوں آپنڑيں اكھيں ويكھ سكدے نيں جدوں اسيں عقل تے عبرت دياں اكھاں كھولاں گے اوس ويلے وعدہ الہي دا مشاھدہ كراں گے حج دے شعائر دنيا ، آخرت ، بندے تے سماج دا سنگم نيں ايس شان تے عظمت دا مالك كعبہ تے فير ايس مستحكم تے ابدي محور دے آسے پاسے جسماں تے دلاں دا طواف ھك ابتداء تے انتہاء دے درميان مسلسل سعي تے كوشش فير ميدان محشر وانگوں عرفات تے مشعر ول لوكاں دے سمندر دا روانہ ہووناں تے فير ايتھے دلاں نوں جلا تے تازگي دا ملناںتے اوس توں وي زيادہ اے پئي شيطان دے مقابلے لئي لوكاں دا رش تے سارے مسلماناں دا مل كے با معني تے پراسرار آداب و رسوم نوں نجام ديوناں اس فريضہ الہي دي بے مثال تےمعني خيز خصوصيات وچ شامل نيں ۔
اے او موسم اے جيس وچ دل وي ياد خدا وچ محو ہو جاندے نيں تے انسان دا دل تقوي تے ايمان دے نور نال روشن ہو جاندا اے تے انسان خود پسندي دي زندگي توں آزادي حاصل كر ليندا اے ايس توں علاوہ انسان نوں شيطان دے زہر آلودہ تيراں توں بچن لئي تقوي دا لباس فراہم ہو جاندا اے تے ھج انجام ديون والے بندے وچ شيطان تے طاغوت نال مقابلے دا جذبہ وي پيدا ہو جاندا اے ايتھے آ كے حاجي امت اسلامي دي وسعت تے طاقت دا مشاہدہ وي كردا اے تے اونہوں امت اسلامي دي طاقت دا اندازہ وي ہوندا اے تے اوہدے وچ مستقبل دياں اميداں ابھردياں نيں تے او آپنڑاں فريضہ ادا كرن لئي آپنڑيں آپ نوں تيار كرن دا احساس پيدا كردا اے تے ايہدے نال نال اگر اوس نوں الہي امداد حاصل ہو جاوے تے فير پيغمبراسلام (ص) نال تجديد عہد كردياں ہوياں ايس امت دي بہتري تے اسلام دي سربلندي لئي پكا ارادہ كردہ اے ۔
اے دونويں چيزاں يعني آپنڑيں تے امت اسلامي دي اصلاح او فريضہ اے جيس توں مسلمان كدے وي چشم پوشي نئيں كر سكدے تے اہل تدبير لئي ديني وظائف تے عمل كرناں تے عقل و بصيرت نوں استعمال كرناں كوئي وڈھا تے اوكھا كم نئيں ايں اونہاں مزيد آكھيا پئي آپنڑيں اصلاح شيطاني فريباں نال مقابلہ كرن تے گناہواں توں بچن دي كوشش توں شروع ہوندي اے تے امت اسلامي دي اصلاح دا آغاز دشمنان دياں سازشاں نوں پہچانڑن ،اونہاں نال مقابلہ كرن تے اونہاں نوں بے اثر كرن نال ہوندا اے تے اوس توں باد مسلماناں وچ اتحاد تے يكجہتي پيدا كرن دا مرحلہ شروع ہوندا اے ۔
اج عالم اسلام دے اہم مسائل جيہڑے امت اسلامي دي تقدير نال پيوست ہويے ہويے نيں شمالي افريقا تے مشرق وسطي وچ پيدا ہوون والے انقلابي حوادث نيں جيہدي وجہاں توں ہُن تائيں امريكا تے صيہونياں دا كلمہ پڑھن والے كئي حكمران آپنڑياں گچياں تڑوا بيٹھے نيں تے ايويں دياں كئي ہور حكومتاں وي ڈاھنواں ڈول نيں اگر ايس ويلے ايس عظيم موقعے( حج ) نوں ضائع كر دتا گيا تے ايس موقعے نوں امت اسلامي دي فلاح و بہبود لئي ناں ورتيا گيا تے مسلماناں لئي اے ھك بہوں وڈھا نقصان ثابت ہووے گا كيوں جے ايس ويلے دنيا دياں سامراجي طاقتاں مسلماناں دياں وڈھياں تحريكاں نوں منحرف كرن تے اونہاں نوں ختم كرن دي بھرپور كوشش كر رہياں نيں ۔
ايہناں عظيم انقلاباں وچ مسلمان بندے تے زنانياں اونہاں مطلق العنان حكمراناں تے امريكي تسلط دے خلاف اٹھ كھڑوتے نيں جنہاں نيں مسلماناں نوں ذليل كرن لئي ظالم صيہونياں نال گٹھ جور كيتا سي سارے مسلمان ايس زندگي تے موت دي كشمكش وچ جاندے نيں پئي ساڈي زندگي جہاد تے اسلامي تعليمات دے نال باقي اے ايسے لئي مسلماناں نيں كئي موقعياں تے كھلم كھلا اعلان كيتا اے اونہاں مظلوم فلسطيني قوم دے دفاع تے غاصب صيہوني حكومت دے مقابلے نوں آپنڑيں مطالبات دا سرناواں قرار ديندياں ہوياں امت اسلامي ول دوستي دا ہتھ ودھا كے اتحاد تے يكجتي دا مطالبہ كيتا اے ۔
ايہناں ملكاں وچ انقلاب دے بنيادي اصولاں نوں مد نظر ركھديان ہوياں موجودہ دوواں ورياں وچ لوك اصلاح تے آزادي دے چنڈے نوں نوں چا كے آپنڑيں جان دي بازي لاكے ميدان وچ آگئے نيں تے ايہو اصول اسلام دياں بنياداں نوں مضبوط كر سكدے نيںتے ايہناں بنيادي اصولاں تے استقامت كرناں ايہناں ملكاں وچ ايہناں انقلاباں نوں كامياب كرن دي مہم شرط اے ۔
دشمناں ايہناں اصولاں دياں بنياداں نوں كھوكھلا كرن دياں كوششاں كر رہيا اے امريكہ ، نيٹو تے صيہونزم مسلماناں دياں غفلتاں تے سطحي سوچاں توں ناجائز فائدہ حاصل كر رہے نيں تے مسلمان نوجواناں ديان طوفاني تحريكاں دا رخ موڑ كے اونہاں نوں ھك دوجے دے خون دے پياسے بنا رہے نيں تے استعمار تے صيہونزم دے خلاف ايس جہاد نوں عالم اسلام دياں سڑكاں تے دہشت گردي تے تشدد وچ تبديل كركے مسلماناں دے ہتھوں مسلماناں دا خون بہاوناں چا رہے نيں كيوں جے ايس طرحاں اسلام دے دشمن اسلام تے اسلامي انقلاباں نوں اسلام تے مجاہدين دے توسط نال اسلام دے مكھڑے نوں داغدار كركے آپنڑيں نجات دا رستہ ہموار كرناں چا رہے نيں ۔
اسلام دے دشمن اسلام تے اسلامي اقدار نوں متاون وچ ناكام ہوون توں باد ہُن اسلامي فرقياں وچ فتنہ انگيزي تے نفرت پھيلاون دي كوشش كر رہے نيں تے اہل سنت وچ شيعياں دا خوف تے شيعياں وچ سنياں دا خوف پھيلا كے امت اسلامي وچ موجود اتحاد تے يكجہتي دي فضا نوں تباہ كرناں چا رہے نيں۔
اسلام دياں دشمن سامراجي طاقتاں مشرق وسطي وچ آپنڑيں ايجنٹاں دے توسط نال ملك شام وچ بحران پيدا كرن دي كوشش كر رہے نيں كيوں جے مسلماناں نوں اونہاں دے ملكي مسائل وچ مشغول كردتا جاوے تے شام دي اندروني جنگ تے مسلمان نوجواناں دا ھك دوجے نوں قتل كرناں امريكہ ، صيہوني تے اونہاں دي حمايت كرن والياں حكومتاں دے توسط نال شروع كيتا گيا اے تے ہُن ايس اگ تے ہور تيل چھڑكيا جا رہيا اے كون ايس گل نوں تسليم كر سكدا اے پئي كل تائيں مصر ، تيونس تے ليبيا دياں ڈكٹيٹر حكومتاں د حمايت كرن والے اج شام وچ جمہوريت دا مطالبہ كر رہے نيں ۔۔۔۔۔؟
شام دا مسئلہ ھك ايويں دي حكومت كولوں انتقام ليون دا مسئلہ اے جيہڑي پچھلياں 3 دہائياں توں ايس غاصب صيہوني حكومت دا مقابلہ كر رہي اے جيہڑي فلسطين تے لبنان دا دفاع كردي اے ۔
اسيں شام دي قوم دي حمايت كردے آں تے ايس ديس وچ ہر قسم دي بيروني مداخلت دي مخالفت كردے آں ايس ديس وچ ہر قسم دي اصلاح اوتھوں دے لوكاں دے توسط نال تے مكمل طور تے اوتھوں دے طريقياں دے مطابق ہووني چاہيدي اے ۔
ميرے بھراؤ تے بہنو ! حج دا موسم عالم اسلام دے اہم مسائل تے غور و فكر كرن دي فرصت فراہم كردا اے تے ايس عالم اسلام دے مہم ترين مسائل " انقلاباں دي تقدير تے شكست كھاون والياں وڈھياں طاقتاں ولوں اينہاں انقلاباں نوں تباہ وبرباد كرن دياں كوششاں ، مسلماناں وچ اختلاف پيدا كرن دي مذموم سازش ، نويں بيدار ہوون والے ملكاں وچ ايران دے بارے غلط فہمياں، مسئلہ فلسطين ، فلسطيني جہاد دے خلاف مغربي ملكاں دا پراپوگنڈا تے پيغمبراسلام (ص) دي شان وچ گستاخي كرن والياں دي حمايت ، مسلماناں ملكاں وچ اندروني لڑائياں دے رستے ہموار كرن تے بعض مسلمان ملكاں دے ٹكڑے ٹكڑے كرن دي مغربي سازش ، لوكاں نوں مغربي سامراج دي مخالفت توں ڈراوناں تے ايس قسم دے دوجے مسائل جيوں مستقبل وچ مسلماناں نوں سامراجي حكمراناں دے سامنڑيں ہتھيار سٹ ديونے پيون گے اے سارے او بنيادي مسائل نيں جنہاں بارے ايس حج دے موسم وچ ايس موقعے تے سارياں نوں رل مل كے سوچناں تے غوروفكر كرني چاہيدي اے
يقينا خداوند متعال دي ہدايت تے امداد، كوشش كرن والے مومنين لئي امن تے سلامتي دياں راہوں دي نشاندہي كرو گي «والذين جاهدوا فينا لنهدينهم سبلنا...»
والسلام عليكم و رحمة الله و بركاته
سيّدعلي خامنهاي
۳۰ / مهر /۱۳۹۱ مصادف با پنجم ذي الحجه ۱۴۳۳