Иргчи АБШ һөкумәтинин давранышыны гынајырыг вә халг һәрәкатыны дәстәкләјирик

СәһәрАзәри хәбәр верир, Ајәтуллаһулүзма Хаменеи Һәҹҹ мүнасибәти илә бир месажда, Ислам үммәтинин тәҹавүзкар Америка вә сионист режимә гаршы бирлијини вә "мәзлум фәләстинлиләрә көмәк етмәк; Јәмәнин јаралы бәдәнинә шәфгәт вә һәр јердә мәзлум мүсәлманларын гајғысыны чәкмәји" вурғулајаг, Шәхси мәнфәәт үчүн бир нечә ҝүн гәсбкар сионист режими илә дост олан бәзи Ислам өлкәләринин лидерләринә бу алчалдыҹы давранышдан чәкинмәји төвсијә бујурублар. 

Ислам Ингилабынын Али рәһбәри һәмин мүраҹиәтдә АБШ-ын бөлҝәдәки мөвҹудлуғу вә АБШ-дакы мөвҹуд һадисәләрә ҝәлинҹә, гејд едибләр: АБШ-ын Гәрби Асијада олмасыны бу бөлҝә халгларынын зәрәринә һесаб едирик вә өлкәләрин тәһлүкәсизлијинә, мәһвинә вә ҝериләмәсинә сәбәб һесаб едирик.

Али Рәһбәр Һәзрәт Ајәтуллаһулүзма Хаменеинин һәҹҹ мүнасибәти илә мүраҹиәтинин там мәтни:

بسم‌الله‌الرحمن‌الرحیم
والحمدلله رب العالمین و صلی الله علی محمد و آله الطاهرین و صحبه المنتجبین
و من تَبِعَهُم باِحسانٍ الی یوم الدین

Һәр заман Ислам Дүнјасында гүрур һисси јарадан, чичәкләнмә вә иззәт мөвсүмү сајылан Һәҹҹ мөвсүмүндән бу ил иштијаглы мөминләр мәһрум олдулар, һәсрәт, кәдәр вә накамлыг һиссинә гапылдылар. Көнүлләр Кәбә Евинин гүрбәтиндән гүрбәт һисси едир вә зијарәтә гатыла билмәјәнләрин һәсрәти ҝөз јашлары илә бирләшиб.
Бу мәһрумијјәт әлбәттә ки, гыса мүддәтлидир вә Аллаһын көмәји илә мүвәггәти олаҹагдыр, лакин бөјүк Һәҹҹ немәтинин гәдрини билмәк дәрси галарғыдыр вә бизи гәфләтдән хилас етмәлидир. Ислам Үммәтинин әзәмәт вә гүдрәт рәмзи бирараја ҝәлмәкдә, Кәбә Евинин чеврәсиндә, Пејғәмбәр (С.Ә.С)-ин һәрәминдә вә Бәги Гәбиристанлығынын кәнарында олмагдадыр, Бу ил һәмин мәсәләни даһа артыг һисс етмәли вә үзәриндә дүшүнмәлијик.
Һәҹҹ мисилсиз бир фәризәдир, Исламдакы ваҹиб әммәлләрин арасында ән мөһтәшәмидир. Санкы динин бүтүн фәрди, иҹтимаи, бәшәри, сәмави, тарихи вә бејнәлхалг ҹәһәтләри бурада диггәт мәркәзинә алынмалыдыр.
Онда мәнәвијјат вар, лакин тәҹриддән вә хәлвәтә гапылмагдан узаг. Бу мәрасим иҹтимаидир, лакин һәр ҹүр гаршыдурмадан, сөјүшдән вә бәдхаһлыгдан узаг. Диҝәр тәрәфдән мүнаҹат, ибтиһал вә Илаһи зикрдән руһларын зөвг алмасы, мөминләрин үнсијјәтдә олмасы вә халгларын сых әлагәдә олмасынын шаһиди олурсан.
Һаҹы уғурла Мәсҹидүл-Һәрама дахил оларкән, бир ҝөзлә тарихлә, Ибраһим, Исмаил вә Һаҹәрлә, Ислам Пејғәмбәри илә бағлылығыны ҝөрүр, Исламын илк дөврүнүн даһиләрини дүшүнүр, о бири ҝөзү илә Аллаһын ипиндән јапышан, һәмрәјлијә һазыр олан мөминләр күтләсинин һүзуруну ҝөрүр.
Һәҹҹ феноменинә фикирләшмәк зәвварларда белә гәти инам јарадыр ки, динин бәшәријјәт үчүн амаллары вә арзуларынын бир-чоху јалныз диндарларын јекдиллији, һәмкарлығы вә бир-биринә дајаг олмасы илә реаллаша биләр. Бу һәмкарлыг вә јекдиллик руһу дүшмәнләрин мәкрини боша чыхарар вә проблемләр ортадан галхар.
Һәҹҹ бу ҝүн позғунлуг, зүлм вә зәифи әзмәк вә таланчылыгла мәшғул олан истикбарчы гүввәләрин бәрабәриндә ҝүҹ нүмајишидир. Һазырда Ислам Үммәтинин ҹисми вә ҹаны онларын шәриндән, ситәмләриндән инилдәјир вә ган ичиндәдир. Һәҹҹ Үммәтин физики вә јумшаг гүдрәтинин тәҹәссүмүдүр.
Бу, Һәҹҹин тәбиәти вә руһудур, Һәҹҹин әсас һәдәфләриндән бир һиссәсидир. Бу өзәлликләрә малик олан Һәҹҹи мәрһум Имам Хомејни һәзрәтләри Ибраһим Һәҹҹи адландырды. Бу һәмин Һәҹҹдир ки, әҝәр Һәҹҹ мәрасиминин тәшкилатчысы олараг өзләрини ики Һәрәмин хадими адландыранлар там сәдагәтлә бу принсипә әмәл етсәләр, вә АБШ-ын разылығыны ҹәлб етмәк јеринә, Аллаһын разылығыны дүшүнсәләр, Ислам Дүнјасынын бөјүк проблемләри өз һәллини тапар.
Бу ҝүн һәмишәки кими, вә һәмишәкиндән артыг Ислам Үммәтинин мәсләһәти вәһдәтдәдир. Бу вәһдәт тәһдидләр вә дүшмәнчиликләр бәрабәриндә јәди-ваһидәдир, гаты шејтан, тәҹавүзкар вә гәддар Американын, онун зәнҹирли ити сионист режимин башына илдырымсајағы фәрјад чәкәр, зоракы һәрәкәтләри гаршысында мөһкәм дајанар.
Бу Илаһи дәстурун мәнасыдыр ки, бујурду:

وَاعْتَصِمُوا بِحَبْلِ اللَّهِ جَمِیعًا وَلَا تَفَرَّقُوا..

Һикмәтли Гуран Ислам Үммәтини

أَشِدَّاءُ عَلَى الْکُفَّارِ رُحَمَاءُ بَیْنَهُمْ

Чәрчивәсиндә тәгдим едир. Вә ондан истәјир ки,

وَلَا تَرْکَنُوا إِلَى الَّذِینَ ظَلَمُوا، وَلَن یَجْعَلَ اللَّهُ لِلْکَافِرِینَ عَلَى الْمُؤْمِنِینَ سَبِیلًا، فَقَاتِلُوا أَئِمَّةَ الْکُفْرِ و لَا تَتَّخِذُوا عَدُوِّی وَعَدُوَّکُمْ أَوْلِیَاءَ

Вә дүшмәни мүәјјән етмәк үчүн һөкм едир ки,

لا یَنْهَاکُمُ اللَّهُ عَنِ الَّذِینَ لَمْ یُقَاتِلُوکُمْ فِی الدِّینِ وَلَمْ یُخْرِجُوکُم مِّن دِیَارِکُمْ ..

Бу мүһүм вә әламәтдар фәрманлар һеч заман биз мүсәлманларын фикир вә дәјәрләр мәҹмуәсиндән кәнара ҝетмәмәли, вә унудулмамалыдыр.
Һазырда бу әсаси дәјишиклик һәр замандан артыг Үммәтин, садиг зијалыларын вә даһи шәхсијјәтләрин ихтијарындадыр. Бу ҝүн ислами ојаныш бөјүк шәхсијјәтләрин, елитанын вә ҝәнҹ мүсәлманларын мәнәви вә мәрифәт хәзинәләринә диггәт јетирдикләрини ҝөстәрир вә бу инкаролунмаз бир һәгигәтдир.
100 ил, 150 ил бундан өнҹә Гәрб сивилизасијасынын габарыг әрмағанлары олан либерализм вә коммунизм бүтөвлүкдә сырадан чыхыб, онларын әлаҹсыз ирадлары һәр кәсә ашкар олуб. Онун үзәриндә гурулмуш систем чөкдү, бу бириси дә дәрин бөһранларын ичиндә галараг дағылмаг астанасындадыр.
Бу ҝүн әввәлдән рүсвајчылыгла мејдана гәдәм гојмуш Гәрб мәдәни дәјәрләр системи, онун сијаси-игтисади модели јәни пула, капиталист тәбәгәләшмәјә әсасланан систем сәриштәсизлији вә позғунлуғу илә ортададыр.
Бу ҝүн Ислам Дүнјасында Гәрбин мәдәни дәјәрләрини вә сивилизасијасыны күнҹә сыхышдыран, Ислам алтернативини ачыг сөјләјән башыуҹа вә фәхарәтли шәхсијјәтләрин сајы аз дејил. Бу ҝүн либерализми там мәғрурлугла тарихин сону кими гәләмә верән бәзи Гәрб мүтәфәккирләри мәҹбур олуб өз иддиаларыны ҝери ҝөтүрүр, теоријаларынын јарытмаз олдуғуну етираф едирләр.
Америка күчәләринә , Америка рәһбәрләринин өз халглары илә рәфтарына баханда сосиал бәрабәрсизлији, инсанларын тәһгир олунмасыны, идарәчиләрин сәриштәсизлијини, дәһшәтли иргчиликләрини ҝөрүрсән. Полис гүввәләринин там гәддарлыгла күчәдә ҹамаатын ҝөзү гаршысында ҝүнаһсыз бир вәтәндашы ишҝәнҹә етмәси Гәрб сивилизасијасында дәрин әхлаги вә иҹтимаи бөһрандан хәбәр верир, онларын сијаси-игтисади фәлсәфәләринин үзәриндән хәтт чәкир.
Американын зәиф халгларла давранышы, мүдафиәсиз бир гарадәрилинин боғазыны сыхараг өлдүрмәк әмәлинин даһа бөјүк версијасыдыр.
Диҝәр Гәрб өлкәләриндә дә буна бәнзәр фаҹиәли вәзијјәтин шаһидијик.

Ибраһими һәҹҹ бу модерн ҹаһилијјәт гаршысында исламын әзәмәтли феномени, ислама чағырыш вә ислами ҹәмијјәтин һәјатынын символик образыдыр. Бу елә бир ҹәмијјәтдир ки, онда мөминләрин динҹјанашы јашамасы, төвһид оху әтрафында давамлы бир һәрәкәтдә ән үстүн нишанәдир, гаршыдурмадан , ајры-сечкиликдән вә елита имтијазларындан, позгунлуг вә булашыглардан узаг галмаг онун үчүн лазымы шәртдир. Шејтана даш атма вә мүшрикләрдән бәраәт, күтләјә гарышмаг, јохсуллара јардым етмәк вә иман әһлинин аинләрини јүксәк тутмаг әсас вәзифәләр сырасындадыр вә аллаһы јад етмәк она шүкр етмәк вә бәндәлик етмәк илә јанашы үмуми мәнафе вә мәсләһәтләрин тәмин олунмасы орта вә сон мәгсәдләрдир.
Бу Ибраһими һәҹҹ ҝүзҝүсүндә ислами ҹәмијјәтдән үмуми тәсвирдир вә онун иддиалы гәрб ҹәмијјәтләринин реаллыглары илә мүгајисәси һәр бир әзмкар мүсәлманын үрәјини белә бир ҹәмијјәтә наил олмаг уғрунда мүбаризә вә фәалијјәт шөвгү илә долдурур.
Биз Иран халгы олараг улу Имам Хомејнинин рәһбәрлији вә һидајәтинә белә бир шөвглә дахил олдуг вә уғур газандыг. Таныдыгларымыз вә севдикләримизи бирбаша реаллашдыра билдијимизи иддиа етмирәм анҹаг иддиа едирәм ки, бу јолда чох ирәлиләмишик вә бир чох манеәләри гаршыдан ҝөтүрмүшүк. Гуран вәдләринә инам бәрәкәтиндән аддымларымыз мөһкәм олараг галыр. Дөврүмүзүн ән бөјүк гәддар вә јолкәсән шејтаны олан Америка режими бизи горхуда јахуд өз һијләсинә мәғлуб едә ја да бизим мадди вә мәнәви ирәлиләјишимизин гаршысыны ала билмәјиб.
Биз бүтүн мүсәлман халглары өз гардашларымыз билирик, бизә гаршы дүшмән ҹәбһәсиндә олмајан гејри-мүсәлманларла јахшы вә әдаләтли давранырыг. Мүсәлман ҹәмијјәтләрин кәдәр вә проблемләрини өз проблемләримиз һесаб едирик вә онун арадан галдырылмасына сәј ҝөстәририк. Мәзлум Фәләстинә јардым, Јәмәнин јаралы ҹанына аҹымаг вә дүнјанын һәр бир јериндә зүлмә мәруз галан мүсәлманлары дүшүнмәји ҝүндәмимиздә сахлајырыг.
Бәзи бәзи мүсәлман өлкәләрин башчыларына нәсиһәт етмәји өз борҹумуз билирик, өз мүсәлман гардашына архаланмагданса, дүшмәнин гуҹағына сығынан вә бир нечә ҝүнлүк шәхси мәнфәәти үчүн дүшмәнин тәһгирләри вә зоракылыгларына дөзән, өз халгынын иззәт вә мүстәгиллијини дәјәр-дәјмәзинә сатыша бурахан дөвләт башчыларына. Һансы ки, залым гәсбкар сионист режимин јашамасы илә разылашыр, ҝизли јахуд ашкар шәкилдә онлара достлуг әли узадырлар. Бунлары нәсиһәт едир вә бу рәфтарын аҹы нәтиҹәләри барәдә хәбәрдарлыг едирик.
Американын Асијанын гәрбиндә фәалијјәтинин реҝион халгларынын зәрәринә олдуғуну, өлкәләрин сабитлијинин позулмасы, дағынтылара мәруз галмасы вә ҝеридә галмасына ҝәтириб чыхардығыны дүшүнүрүк. Америкада ҝедән һазыркы һадисәләр вә орадакы иргчилијә гаршы һәрәкәтдә дә бизим гәтијјәтли мөвгејимиз халга дәстәк вермәк вә бу өлкәнин иргчи дөвләтинин рәһмсиз рәфтарыны писләмәкдән ибарәтдир.
Сонда Һәзрәт Бәгијјәтуллаһ Әрваһона Федаја салам вә салаватла рәһмәтлик имамын хатирәсини аныр вә шәһидләрин пак руһларына саламлар ҝөндәририк вә Аллаһ тааладан јахын ҝәләҹәкдә ислам үммәти үчүн тәһлүкәсиз, мәгбул вә мүбарәк һәҹҹин реаллашаҹағыны диләјирик.
Вәссәламо әла ибадиллаһиссалеһин
Сејид Әли Хаменеи

342/