Ислам Ингилабы Рәһбәринин бөйүк ҺӘҸҸ конгресинә исмарыҹы

Ислам Ингилабы Рәһбәринин бөйүк ҺӘҸҸ конгресинә исмарыҹы

Бисмиллаһир-Рәһманир-Рәһим

Аллаһ саламы вә салаваты олсун рәсул, кәрим, әмин вә пейғәмбәрләрин сонунҹусу олан Мәһәммәдә (с) вә онун пак Әһли-Бейтинә (ә), хүсуси илә дә Аллаһын йер үзүндә "бәгиййә"си олан Имам Меһдийә (ә.ф) вә сечилмиш сәһабәләрә вә онларын йолуну ҝөзәл шәкилдә давам едәнләрә, Гийамәт ҝүнүнәдәк.

Һәр ил Һәҹҹ мөвсүмү Аллаһ-Тааланын рәһмәтинин Ислам үммәтинә гайыдыш вахтыдыр. Гурани-Кәрим бу айә илә " وَ اَذِّن فِی النّاسِ بِالحَج" (инсанлары Һәҹҹә чағыр) тарих бойу һамыны бу Илаһи рәһмәт сүфрәсинә дәвәт етмишдир ки, һәм онларын Аллаһы ахтаран үрәкләри вә һәм дә расионал дүшүнҹәләри бу сүфрәнин бәрәкәтиндән файдалансын вә һәр ил Һәҹҹ маарифи вә тәлимләри бир груп инсанларын васитәсилә Ислам дүнйасынын һәр йеринә чатдырылсын.

Һәҹҹ айининдә фәрдин вә ҹәмиййәтин инкишаф, тәрәгги, тәлим вә тәрбийәсинин әсас елементи олан зикр вә бәндәлик иксири, ваһид үммәтин символу олан ҹәмиййәт вә иттиһад, ваһид мәркәзин әтрафында һәрәкәт, үммәтин Төвһид әсасында һәрәкәт вә чалышмасынын рәмзи олан мүштәрәк һәдәф йолу, һаҹыларын һәр бир ҹәһәтдән бәрабәрлийи вә бир-бириндән һансыса имтийазла сечилмәмәси ки, айрысечкиликләрин ҝөтүрүлмәси вә имканларын һамы үчүн ейни олдуғунун әламәтидир, Ислами бир ҹәмиййәтин әсас сүтунларыны кичик бир бахышда ҝөстәрир.

Һәҹҹ әмәлләриндә олан еһрам бағламаг, тәваф етмәк, аста гачыш (сәй), минада дайанмаг (вүгуф), шейтаны дашламаг (рәмй ҹәмәрат), минадан көчмәк, һәрәкәт вә дайанмағын һәр бири Ислам дининин формалашдырмаг истәдийи вә Исламда арзуолунан ҹәмиййәтин кичик бир символудур.

Бир-бириндән узаг олан өлкәләрин инсанлары арасында билик вә тәҹрүбә тәбадүлү, бир-биринин һалындан хәбәрдар олмасы, йанлыш анлашмалары ортадан ҝөтүрмәк, үрәкләри йахынлашдырмаг, мүштәрәк дүшмәнләрлә вурушмаг үчүн ҝүҹләри бирләшдирмәк Һәҹҹ айинләринин чох бөйүк вә әһәмиййәтли бир нәтиҹәсидир ки, йүзләрлә ади топланышда буну әлдә етмәк олмаз.

Һәҹҹ әмәлләриндәки Бәраәт айини ки, бүтүн рәһмсизлик, зүлм, пислик, фәсадлар вә һәр заманда залимләрдән бизарлыг вә империалистләрин зоракылыг вә гәсәбкарлығынын арашысында мүгавимәт ҝөстәрмәк анламындадыр, Һәҹҹин бөйүк бәрәкәтләриндән бири вә мәзлум мүсәлман милләтләр үчүн бир имкандыр.

Бу ҝүн Америка башда олмагла кафир вә мүшрик империалистләрин ҹәбһәсиндән бизарлыг етмәк мәзлумлары өлдүрмәк вә мүһарибәдән безарлыг, ИШИД вә "БлакВатер" кими терроризм йуваларындан безарлыг етмәк вә ушаг гатили олан сионист режиминин вә һимайәдарларына Ислам үммәтинин нәрәсини ҝөстәрмәкдир.

Бәраәтин мәнасы Американын вә реҝиондакы гулбечәләринин Асийанын гәрбиндә вә Африканын шималында милләтләри ағыр мүсибәтләрә салан вә әзабларыны чохалдан мүһарибә иҹад етмәсинин гаршысыны алмагдыр.

Бәраәтин мәнасы ҹоғрафийа, ирг вә дәринин рәнҝинә ҝөрә иргчилик вә айрысечкилик салмагдан безарлыгдыр.

Бәраәт империализмин вә тәҹавүзкар һеҝомон гүдрәтләрин ийрәнҹ сийасәтләриндән вә Исламын һамыны дәвәт етдийи әдаләтли, нәҹиб вә шәрафәтли рәфтары гаршысында һийләҝәрликләриндән безарлыгдыр.

Бу дедикләрим Ибраһими һәҹҹин бәрәкәтләринин чох аз бир һиссәси иди ки, Ислам бизи она дәвәт едир. Бу Һәҹҹ Исламын формалашдырмаг истәдийи ҹәмиййәтин кичик формада тәсвир едилмиш символудур ки, һәр ил мүсәлманларын васитәси вә Һәҹҹин режиссорлуғу илә бөйүк вә мәналы бир тамаша йарадыр вә һамыны белә бир ҹәмиййәт йаратмаға дәвәт едир.

Ислам дүнйасынын зийалыларынын ки, онларын да бир гисми һазырда Һәҹҹ зийарәтиндәдирләр, үзәринә ағыр вә мәсулиййәтли бир вәзифә дүшүр. Һәҹҹин дәрсләри онларын тәшәббүсү вә йарадыҹылығы илә бүтүн милләтләрә чатдырылмалы вә онларын васитәси илә дүшүнҹә, мәлумат вә тәҹрүбәләрин мәнәви тәбадүлү һәйата кечирилмәлидир.

Бу ҝүн Ислам дүнйасынын ән мүһүм мәсәләсләриндән бири дә Фәләстиндир. Фәләстин ирг, дил вә мәзһәбиндән асылы олмайараг бүтүн мүсәлманларын бүтүн сийаси мәсәләләринин өнүндә олмалыдыр. Сон әсрин ән бөйүк зүлмү Фәләстиндә баш вермишдир. Бу дәрдли маҹәрада бир милләтин һәр шейи – еви, әкин саһәси, сәрвәти, һейсиййәти вә кимлийи мүсадирә едилмишдир. Бу милләт Илаһи төвфигатын нәтиҹәсиндә мәғлубиййәти гәбул етмәйиб, айагдан дүшмәйиб вә бу ҝүн мейданда дүнәнкиндән даһа һәвәсли вә даһа шүҹаәтлидир. Амма бу ишин арзуолунан нәтиҹәйә вармасы үчүн бүтүн мүсәлманларын көмәйинә еһтийаҹ вар. Зүлмкар Американын вә реҝиондакы хаин һәмкарларынын һийләси илә иҹра едилмәкдә олан "әсрин мүгавиләси" лайиһәси тәкҹә Фәләстин милләти барәдә дейил, бүтүн бәшәриййәтин барәсиндә һәйата кечирилән бир ҹинайәтдир. Биз һамыны дүшмәнин бу мәкирли лайиһәсинин мәғлуб едилмәси үчүн актив иштирак етмәйә дәвәт едирик. Аллаһын гүдрәти вә мүгавимәт ҹәбһәсинин иманы илә дүшмәнин бу һийләсини вә бүтүн мәкирли планларыны мәғлуб едәҹәйик.

Аллаһ-Таала буйурур: 
اَم یُ‍ریدونَ کَیدًا فَالَّذینَ کَـفَروا هُمُ ال‍مَکیدون. صدق اللّه العلیّ العظیم.

"Ја да кафирләр истәйирләр ки, сәнин әлейһинә һийлә етсинләр, амма билсинләри ки, өзләри һийләнин торуна дүшүбләр".

Бүтүн һөрмәтли һаҹылара Аллаһдан төвфиг, рәһмәт, афийәт вә итаәтләринин гәбул олмасыны диләйирәм.

Сеййид Әли Хаменеи 
14 Мордад 1398 / 3 Зил-Һиҹҹә 1440 / 5 Август 2019