Message of Imam Khamenei on 2022 Hajj pilgrimage, in HAUSA

Sakon Jagoran Juyin Juya Halin Musulunci A Lokacin Aikin Hajji 1443 (1401 Sh. / 2022 AD)
بسم الله الرّحمن الرّحیم
والحمد لله ربّ العالمین و صلّی الله علی محمّد المصطفی و آله الطّاهرین و صحبه المنتجبین
Muna godiya ga Allah mai girma da hikima wanda ya sake sanya lokutan Hajji mai albarka ya zama mahada da matattara ga al'ummar musulmi ya kuma bude musu wannan tafarki na alheri da rahama. Al'ummar musulmi a wannan karon ma za su iya sake kiyaye hadin kai da amincinsu a cikin wannan bauta ta zahiri kuma dawwamammiya tare da kau da kai daga dalilan rarraba da sabani.

Hadin kan musulmi daya ne daga cikin asasin guda biyu na aikin Hajji, wadanda idan aka hada su da zikiri da ruhi, wanda shi ne sauran asasi na wannan aiki mai ban mamaki, da za su iya kai al'ummar musulmi zuwa ga kololuwar daukaka da jin dadi, kuma hakan zai zamo mai gaskta fadin Allah Ta’ala " وَ لِلَّهِ العِزَّةُ وَ لِرَسولِهِ وَ لِلمُؤمِنین" (1). Aikin Hajji abu ne da ya hada wadannan abubuwa biyu na siyasa da ruhi; Kuma addinin Musulunci mai tsarki ya kunshi siyasa da ruhi mai daukaka da girma.

A cikin tarihi na baya-bayan nan, makiya al'ummar musulmi sun yi gagarumin kokari wajen raunana wadannan asasai guda biyu, wato hadin kai da ruhi a tsakanin al'ummominmu. Ta hanyar haɓaka salon rayuwa ta kasashen yamma, wanda ba ta dauke da ruhiyya, kuma tana tasowa daga gajeriyar hangen nesa na abin duniya, da ke raunana ruhiyya da ƙalubalantar haɗin kai ta hanyar faɗaɗawa da ƙarfafa muradi na ruɗi kamar harshe, launi, launin fata, da yanayin ƙasa.

Al'ummar musulmi, wanda a yanzu ana iya ganin karamin misalinsa a cikin ayyuka da bukukuwa na aikin Hajji, wajibi ne su tashi da komai da suke da tsaye wajen yaki da wadannan halaye; ma’ana ta hanyar karfafa ambaton Allah, yin aiki domin Allah, yin tadabburin Maganar Allah, da dogaro da alkawuran Ubangiji cikin tunanin kwakwalensu gaba daya, a daya bangaren kuma, su shawo kan manufar rarraba da banbance-banbance.

Abin da za a iya cewa cikin tabbaci a yau shi ne cewa wannan yunkuri shine mafi taimakawa da dacewa a cikin yanayin da duniya da duniyar musulmi suke ciki.

Domin haka da farko dai a yau masu fada aji da dimbin al’umma a kasashen musulmi sun mai da hankali kan dimbin arzikinsu na ilimi da ruhi da kuma gane muhimmancinsa da kimarsa. A yau, 'yancin kai da gurguzu, a matsayin babbar gudunmawar wayewar yammacin turai, ba su da kima kamar yadda suke da a shekaru dari da suka wuce da kuma shekaru hamsin da suka wuce. Girma da mutuncin dimokuradiyya da ta dogara da kudade da dukiya na yammacin Turai yana fuskantar tambayoyin kalubale masu tsanani, kuma masu tunani na Yamma sun yarda cewa suna fama da gazawa da rashin fahimta da aiki da ita. A duniyar musulunci, matasa, hazikai, ma'abota ilimi da addini, ta hanyar lura da wannan yanayi, suna samun sabon hangen nesa game da dukiyar ilmin da suke da shi, da ma tsarin siyasa na gama-gari a kasashensu... kuma wannan ita ce farkawa ta Musulunci da kullum muke ambatonta.
Na biyu, wannan wayewar kai ta Musulunci ta haifar da wani lamari mai ban mamaki da ban al'ajabi a cikin zukatan duniyar Musulunci, wanda ma'abota girman kan duniya suke cikin tsananin matsala. Sunan wannan al'amari shi ne " tsayin daka" kuma gaskiyarsa ita ce fitowar karfin imani da jihadi da amana. Wannan lamari dai shi ne wanda wannan aya mai daraja ta sauka a kansa a farkon Musulunci:
اَلَّذینَ قالَ لَهُمُ النّاسُ اِنَّ النّاسَ قَد جَمَعوا لَکُم فَاخشَوهُم فَزادَهُم ایمانًا وَ قالوا حَسبُنَا اللَهُ وَ نِعمَ الوَکیلُ* فَانقَلَبوا بِنِعمَةٍ مِنَ اللَهِ وَ فَضلٍ لَم یَمسَسهُم سوءٌ وَ اتَّبَعوا رِضوانَ اللَهِ وَ اللَهُ ذو فَضلٍ عَظیم.(۲)
Batun yanayin da Falastinu ke ciki na daya daga cikin abubuwan da ke nuni da wannan lamari mai ban mamaki, wanda ya yi nasarar mayar da gwamnatin sahyoniyawan daga mummunan yanayi da mamaya zuwa wani yanayi na ja da baya na kare kai da halin kaka-nikayi da kuma dora mata matsalolin siyasa da tsaro da tattalin arziki da ake ciki a yanzu. Ana iya ganin sauran misalan gwagwarmaya a fili a Lebanon, Iraki, Yemen da wasu wurare.

Na uku, baya ga wannan duka, a yau duniya tana shaida kyakkyawan abin koyi da abin alfahari na karfi da ikon siyasar Musulunci a Iran ta Musulunci. Zaman lafiya da 'yancin kai da ci gaba da daukakar Jamhuriyar Musulunci wani lamari ne mai girma, mai ma'ana kuma mai ban sha'awa wanda zai iya jawo tunani da jin dadin duk wani musulmi da ke farke. Rashin iyawa da kuma wasu lokuta gazawar ayyuka na daga wasuu wakilan wannan tsari, wadanda ke kawo jinkirin cimma nasarar dukkanin albarkokin ayyukan gwamnatin Musulunci, ba su taba iya girgiza ginshikai da tabbatattun matakai wadanda suka samo asali daga asasi na wannan tsari ba. dakatar da abu da ci gaban ruhaniya. A gaban jerin wadannan ka'idoji na asali, an sanya tsarin mulkin Musulunci a cikin doka da aiwatarwa, dogaro da kuri'un mutane a cikin muhimman al'amurran gudanarwa na kasar, cikakken 'yancin kai na siyasa, da rashin amincewa da ikon zalunci; Kuma wadannan ka'idoji ne za su iya zama wurin yin ijma'i a tsakanin al'ummomi da gwamnatocin musulmi da sanya al'ummar musulmi dunkulewa da hadin kai a kan al'amuransu da hadin gwiwarsu.

Wadannan dalilai ne da kuma abubuwan su ne suka samar da kyakkyawan yanayin da ake ciki a duniyar Musulunci wajen hada kai. Ya kamata gwamnatocin musulmi da jiga-jigan addini da na kimiyya da masana masu zaman kansu da matasa masu son gaskiya fiye da komai, su yi tunanin cin gajiyar wadannan fagage masu kyau.
Ya zama dabi'a ga ma'abota girman kan duniya musamman Amurka su damu da irin wannan halin da ake ciki a duniyar Musulunci tare da yin amfani da dukkan abin da suke da shi wajen tunkarar sa... kuma haka lamarin yake a yanzu. Daga ikon kafofin watsa labarai da hanyoyin yaki na kimiyya, zuwa yakin ruwan sanyi da kunna yaƙin kawance, zuwa sanya shakku da jan hankali na siyasa, da barazana, ruɗi da cin hanci gaba ki daya ababen aiki ne daga Amerika da sauran gwamnatocin girman kai, domin su raba Duniyar musulunci daga kan hanyar farkawarta da jindadinta, Gwamnatin sahyoniyawan masu laifi da bakaken manufofi a wannan yanki na daya daga cikin kayan aikin wannan gagarumin kokari.
Cikin yardar Allah da iznin Allah wadannan kokarin sun ci tura a mafi yawan lokuta kuma kasashen yamma ma'abota girman kan duniya sun yi rauni a kowace rana a wannan yanki namu mai rahusa, a kuma baya-bayan nan a duniya baki daya za a iya ganin kunci da gazawar Amurka da abokan laifinta, ma’ana gwamnatin da ke mulkin kwace a yankin, a cikin abubuwan da suka faru na Palastinu, Lebanon, Siriya, Iraki, Yemen, da Afghanistan.

A daya bangaren kuma, duniyar Musulunci cike take da matasa masu himma da kuzari. Wanda su ne babban ginshikin gina makoma anan gaba kuma su ne fata da yarda da kai, wanda a duniyar musulmi a yau, musamman a kasashen wannan yanki. Dukkanmu ya zama wajibi mu kiyaye da kuma kara yawan wannan babban jari.

Duk da haka, kada ku yi watsi da sharrin maƙiyi ko da na ɗan lokaci ne; Mu guji girman kai da sakaci, mu kara himma da fadakarwa. Halartan tarukan hajji da ibada wata babbar dama ce ta rikon amana da addu’a, da tunani da yanke kudiri na nan gaba.

Kuyi addu'a ga 'yan uwa musulmi maza da mata a fadin duniya da rokon Allah ya basu dacewa da nasara. Kuma Ku sanya wadannan ‘Yan uwan a cikin addu'o'in ku don samun shiriyar Allah da taimakonsa.

Assalamu Alaikum Warahamtullahi
Sayyid Ali Khamenei
5 Zul-Hijjah 1443
14 ga Tir, 1401
5 ga Yuni, 2022ش