Ironi Yolə Rəhbər: mıstəkbirə ğərb, dınyo həmmə vırəonədə har ruj vey zəif bıə.

Bə Ironi Yolə Rəhbəri məlumatərosnə sayti raporti əsos, Həzrəte Ayətullah Xamenei həminə mesajədə əlovəş karde: ımruj ijən liberalizm və komonizm bənə ğərbi sivilizasiya muhimmə hədyə dəvardə soron coh-cəbərot iyən ğəşənqionış ni! ğərbi bə puli əsos bıə demokratiya  abru həyo de ciddi sovalon dim bə dim heste və ğərbi alimon etırof kardən ki elm və zıneyədə sərqərdonin!

Həzrəte Ayətullah Xamenei təkidış karde: Amerkə və çəy mıttəfiğon xususi məntəğədə bıə çəy həmkarə cinoyətkorə işğalçiyon pərişoni və məğlubiyət ısət, Fələstin, Livan, Suriyə, İrağ, Yəmən və Əfğanıstonədə çokə çoki muşahidə bıdə.

İroni Yolə Rəhbər bə muğaviməti əcibə hodisə, islami zıney və oğoəti inkişofi nuraniyə nəticəon işorə və təkidış karde: Fələstinədə bıə səhnə və hodisəon həminə təəcubinə məsələ oşko nımunəy ki sionist rejimi toğyan şəroyet iyən yolə şəxəti hucumi bə mudafiə iyən zəifəti, siyasi və əmniyyəti iyən iğtisodi şəroyet əvəz və icborış kardə, co nurani və dəvəşə nımunəon həm Livan, İrağ, Yəmən və co məntəğəonədə bıə muğavimətiku vindey bıdə.

Həzrəte Ayətullah Xamenei İronədə siyasi, islami hakımiyət və ğudrəti dınyoədə qıləy muvəffəğə ulqu və nımunə bə hisobış varde və hamiyəşe: prinsipon çərçivədə, ğanunədə islami hakımiyət və əmələdə islami mehvəriyət kişvəri mudiriyətədə bə milləti nəzəon təkyə karde, komilə siyasi istiğlol və bə zılməkə ğudrəton təkyə nıkarde heste ki karde bəzne co mısılmonə dıvlət iyən millətonro həm bənə vəhdət icodəkə prinsip bıbu və islamiyə umməti cəhət və iyən həmkarion çərçivədə əvoni de yande bə i co hərəkət bıdə.

İroni Yolə Rəhbər, Vəhdət iyən mənəviyəti çı həc və islami umməti səadət amil bə hisob vardışe və təkidış karde: islam dınyo pure həmonə ənqizə soyb bıə cıvononku, əvon ki tale soxteyro bənə Yolə sərmoyəonin, əvon ki de umid və ıştəni bovə karde islam dınyoədə xususi ın məntəğədən həmmə kəsonku bəpe tələb bıkəmon  və çəmə vəzifə və ko ıme ki ın sərmoyəon oqətəmon və bə çəvon miğdori əlovə kon.