Имам Хаменеи: Фәләстин "Гүдс Гылынҹы"ны гынындан чыхарыб тәҹавүзкарын бурнуну јерә сүртдү

Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Үмүмдүнја Мүсәлманларынын Али Лидери һәзрәт Ајәтуллаһ Хаменеи Һәҹҹ мүнасибәти илә дүнја мүсәлманларына ҝөндәрдији месажда Бејтуллаһ зијафәтиндә иштирак етмәк истәјәнләрин үрәкләриндә давам едән бу  һәсрәти кечиҹи бир сынаг адландырды.

О, Һәҹҹ месажларынын тәсирдән дүшмәмәсинин зәрурилијинә вурғулајараг, Америка Бирләшмиш Штатлары башда олмагла бүтүн тәҹавүзкар гүдрәтләрә гаршы мүгавимәт ҝөстәрмәји Һәҹҹин әсас месажларындан бири олдуғу адландырыб.

Имам Хаменеи һәзрәтләри Ислам дүнјасынын проблемләринә вә бәдбәхтликләринә тохунараг, хүсусилә Фәләстин, Јәмән вә Ирагда мүгавимәт вә ојаныш елементләринин јүксәлмәсини бөлҝәнин үмидли ҝерчәкләри адландырараг вурғулајыблар: Илаһи садиг вәдәјә әсасән, јардым јалныз мүҹаһидләрә олунаҹаг вә бу чалышганлығын илкин тәсири АБШ вә саир зоракы гүдрәтләрин Ислам өлкәләринә мүдахилә етмәләринин вә писликләринин дајандырмагдыр.

Ислам Ингилабы Рәһбәринин Һәҹҹ месажынын там мәтни беләдир:

 

Меһрибан вә Бағышлајан Аллаһын Ады илә

Һәмд вә Сәна аләмләрин Рәбби олан Аллаһа мәхсусдур. Мәһәммәд вә Али Муһәммәдә -пак аиләсинә, сечилмиш сәһабәләринә вә онлара Гијамәт ҝүнүнә гәдәр хејирхаһлыгла табе олан һәр кәсә салам олсун.

Дүнјадакы бүтүн мүсәлман баҹы вә гардашлар!

Бу ил дә мүсәлман үммәти бөјүк немәт олан Һәҹҹ әмәлләриндән мәһрум олдулар вә истәкли көнүлләр, аһ вә пешманлыгла, Мүдрик вә Рәһмли Аллаһын инсанлар үчүн гурдуғу шәрәфли евдәки зијафәтдә иштирак едә билмәдиләр.

Артыг икинҹи илдир ки, Һәҹҹин севинҹ вә мәнәви фираванлыг мөвсүмү ајрылыг вә пешманлыг фәслинә чеврилир вә епидемија хәстәлији бәласы вә бәлкә дә Мүгәддәс зијарәтҝаһы идарә едәнләрин сијасәтләрин бәласы мөминләрин һәвәсли ҝөзләрини үммәтин вәһдәтини, әзәмәтини вә мәнәвијјатыны ҝөрмәкдән мәһрум едир. Вә бу әзәмәтли зирвәни булудларла вә тозларла өртүр.

Бу имтаһан, Ислам үммәти тарихиндә парлаг ҝәләҹәјә апара биләҹәк диҝәр мүвәффәг имтаһанлар кимидир; Һәҹҹин һәгиги шәклиндә мүсәлманларын гәлбиндә вә руһунда горунуб галмасы ваҹибдир вә инди ки, ритуал бәдәнимиз мүвәггәти олараг Һәҹҹдә һазыр дејилдир, Һәҹҹин үлви месажы азалмамалыдыр.

Һәҹҹ сирли бир ибадәтдир.Ичиндәки һәрәкәт вә сүкунәтин ҝөзәл гурулушу вә бирләшмәси, мүсәлман шәхсијјәтини вә мүсәлман ҹәмијјәтини гурур вә дүнја ҝөзүндә ҝөзәлликләрини ҝөстәрир. Аллаһ бәндәләринин гәлбләрини зикр, тәвазөкарлыг вә дуа илә јүксәлдир, онлары Аллаһа јахынлашдырыр. Бир тәрәфдән ејни өртүк вә һәрәкәт вә аһәнҝдар һәрәкәтләрлә, дүнјанын һәр јериндән ҝәлән гардашлары бирләшдирир, диҝәр тәрәфдән Ислам үммәтинин али символуну бүтүн мәналы вә сирли ајинләри илә дүнјанын ҝөзү өнүнә гојур вә үммәтин әзм вә әзәмәтини бәдхаһлара ҝөстәрир.

Бу ил мүгәддәс Кәбә евинин һәҹҹи мөвҹуд дејил, анҹаг Кәбә евин Рәббинә диггәт, зикр, тәвазөкарлыг, дуа, төвбә вә шәфаәт мөвҹуддур; Әрафатда иштирак етмәк мүмкүн дејил, лакин Әрәфат ҝүнү мәрифәти шохалдан дуалар вә мунаҹатлар етмәк мүмкүндүр; Шејтанын Минада дашгалаг едилмәси мүмкүн дејил, анҹаг гүдрәт тәләб шејтанлары һәр јердә дәф етмәк мүмкүндүр; Кәбәнин әтрафында ҹисимләримизин һазыр олмасы тәмин едилмир, анҹаг Гурани Кәримин ачыг ајәләри әтрафында гәлбләрин ваһид олмасы вә Аллаһын ипинә мөһкәм бағланмаг даими бир вәзифәдир.

Бу ҝүн чох сајда әһалијә, ҝениш бир әразијә, сајсыз-һесабсыз тәбии сәрвәтләрә вә дири вә ојаг милләтләрә саһиб олан биз, Ислам давамчылары мүтләг әлимиздә олан имканларымызла вә баҹарыгымызла өз ҝәләҹәјимизи формалашдырмалыјыг. Сон 150 илдә мүсәлман халглар өлкәләринин вә һөкумәтләринин талејиндә һеч бир рол ојнамадылар вә бәзи һаллар истисна олмагла, бирбаша давамлы сүрәтдә тәҹавүзкар Гәрб һөкумәтләринин сијасәтләри илә идарә олундулар вә онларын тамаһкарлыг, мүдахиләкар вә писликләринә мәруз галдылар. Бу ҝүн бир чох өлкәнин елми ҝерилији вә сијаси бағлылығы һәмин пассивлијинин вә гејри-адекватлығынын мәһсулудур. Милләтләримиз, ҝәнҹләримиз, алимләримиз, дин алимләримиз вә вәтәндаш зијалыларымыз, сијасәтчиләримиз вә партијаларымыз вә иҹмаларымыз бу ҝүн о зилләтдлә долу вә утанҹвериҹи кечмиши әвәзләмәлидир; Онлар ајаға галхмалы вә Гәрбин зоракылығына, мүдахиләсинә вә писликләринә гаршы "мүгавимәт ҝөстәрмәлидирләр".

Глобалист вә истикбарчы дүнјаны нараһат едән вә гәзәбләндирән Иран Ислам Республикасынын бүтүн сөзләри бу мүгавимәтә дәвәтдир: АБШ вә диҝәр тәҹавүзкар ҝүҹләрин мүдахиләси, пислик вә шәринә гаршы мүгавимәт вә Ислам маарифинә әсасланараг Ислам дүнјасынын ҝәләҹәјини өз әлинә ҝөтүрмәк.

Тәбии ки, АБШ вә мүттәфигләри "мүгавимәт" адына һәссасдырлар вә "Ислами Мүгавимәт Ҹәбһәси" нә гаршы һәр нөв дүшмәнчилијә әл атырлар. Бәзи реҝионал һөкумәтләрин онларла бирләшмәси дә бу писликләрин давам етмәси үчүн аҹы бир һәгигәтдир.

Һәҹҹ мәрасимләри ки, сәј, тәваф, әрәфат, ҹәмарат вә һәҹҹин иззәти вә вәһдәтинин бизә ҝөстәрдији дүз јол, Аллаһа тәвәккүл етмәк вә Аллаһын әбәди гүдрәтинә диггәт вә милли руһијјәјә инам, сәј вә мүбаризәјә етигад бәсләмәк, һәрәкәт етмәк үчүн гәтијјәтли бир гәрар вә гәләбә үчүн бөјүк бир үмидә вармагдыр.

Ислам бөлҝәсиндәки сәһнә ҝерчәклији бу үмиди даһа да артырыр вә бу гәтијјәти мөһкәмләндирир. Диҝәр тәрәфдән, Ислам дүнјасынын бәдбәхтликләри, елми ҝерилик вә сијаси бағлылыглар, игтисади вә сосиал нараһатлыглар бизи бөјүк бир вәзифә вә јорулмаз бир мүбаризә гаршысында гојур; Ишғал олунмуш Фәләстин бизи көмәјә сәсләјир; Мәзлум вә ганлы Јәмән үрәкләри дағладыр; Әфганыстанын аҹынаҹаглы вәзијјәти һамыны нараһат едир; Ирагда, Суријада, Ливанда вә бәзи диҝәр мүсәлман өлкәләриндә АБШ вә мүттәфигләринин ачыг шәкилдә мүшаһидә олунан мүдахилә вә шәр аддымлары, Ҝәнҹләрин гејрәт вә чалышганлығына илһам верир, диҝәр тәрәфдән бүтүн бу һәссас бөлҝәдә мүгавимәт елементләринин јүксәлмәси вә милләтләрин ојанышы, ҝәнҹ вә мотивасијаслы нәслин һәдәфләри үрәкләри үмид илә долдурур; Фәләстин һәр тәрәфдән "Гүдс Гылынҹыны" гынындан чәкир; Гүдс, Гәзза, Иордан чајынын саһил, 48-ҹи илдәки әразиләр вә гачгын дүшәрҝәләр һамысы галхыб он ики ҝүн әрзиндә тәҹавүзкарын бурнуну јерә сүртдү; Мүһасирәдә тәк вә тәнһа галан Јәмән једди иллик мүһарибәјә, ҹинајәтә вә дашүрәкли дүшмәнин зүлмүнә дөзүр, гида, дәрман вә јашајыш објектләринин јохлуғуна бахмајараг залымлара тәслим олмур вә өз нүфузу вә тәшәббүсү илә онлары горхудур; Ирагда мүгавимәт ҝүҹләри ачыг вә бирмәналы шәкилдә, ишғалчы АБШ вә онун мәнтәгәдә әкдији ИШИД террор групуну ҝери чәкилмәјә вадар едир вә АБШ вә мүттәфигләринин һәр ҹүр мүдахиләси вә шәринә гаршы гәтијјәтли олдугларыны ифадә едирләр.

Америкалыларын Ираг, Сурија, Ливан вә диҝәр өлкәләрдәки "мүгавимәт" үнсүрләринин вә гејрәтли ҝәнҹләрин гәтијјәтини вә фәалијјәтини тәһриф етмәк үчүн апардыглары ҝенишмигјаслы тәблиғатлары вә онлары Ирана вә ја башга бир ҝүҹ саһибинә аид етмәкләри, о ҹәсур вә ојаг ҝәнҹләри тәһгир етмәкдән башга биор шеј дејилдир. Вә америкалыларын бөлҝә халгларыны јахшы вә дүзҝүн дәрк етмәдикләриндән ирәли ҝәлир.

Бу анлашылмазлыг, сәбәб олду ки, АБШ Әфганыстанда алчалсын. Вә ијирми ил өнҹә о сәс-күјлү, гарышыг  ҝәлишиндән, мүдафиәсиз халга гаршы силаһ, бомба вә атәшләрдән истифадә етмәсиндән сонра өзүнү батаглыгда һисс едиб, гүввәләрини вә һәрби техникаларыны орадан чыхармаға башлады. Әлбәтдә ки, бәсирәтли Әфган милләти өлкәсиндәки АБШ-ын кәшфијјат аләтләринә вә јумшаг силаһларына гаршы ајыг вә сајыг олмалыдыр.

Бөлҝә халглары ојаг вә ајыг олдугларыны ҝөстәрдиләр вә онларын Фәләстинин һәјати мәсәләсиндә АБШ-ын тәләбләри илә разылашан бәзи дөвләтләрдән үз дөндәрмәләри јолларынын онларла ајры олмасынын ҝөстәриҹисидир; Ачыгҹа вә ҝизли шәкилдә гәсбкар сионист режимлә достлуг нәрди ојнајан һөкумәтләр, јәни Фәләстин халгынын тарихи вәтәниндә һагглы олдугларыны инкар едирләр. Бу, Фәләстинлиләрин сәрмајәсин әл узатмагдыр. Онлар өз өлкәләринин тәбии сәрвәтләрини талан етмәклә кифајәтләнмирләр вә инди Фәләстин халгынын сәрмајәсини талан едирләр.

Гардашлар вә баҹылар!

Бөлҝәмиз вә онун сүрәтли вә мүхтәлиф һадисәләри ибрәт вә дәрс сәрҝисидир; Бир тәрәфдән, тәҹавүзкара гаршы мүбаризә вә мүгавимәт нәтиҹәсиндә ортаја чыхан ҝүҹ, диҝәр тәрәфдән исә тәҹавүзкарын мүгавимәтчиләр гаршысындакы зәифлик ҝөстәриб, тәслим олмасындан мејдана ҝәлән алчаглыг.

Аллаһын сәмими вәди, мүҹаһидләрин Аллаһ јолундакы зәфәридир: “Әҝәр Аллаһа (Аллаһын дининә) јардым етсәниз, О да сизә јардым едәр вә мөвгејинизи мөһкәмләндирәр (Муһәммәд сүрәси, ајә 7)”. Бу мүбаризәнин илк тәсири, Америка Бирләшмиш Штатларынын вә диҝәр бејнәлхалг залымларын Ислам өлкәләринә мүдахилә вә писликләрини дајандырмасыдыр, Иншаллаһ.

Уҹа Аллаһдан мүсәлман милләтләрин гәләбәсини диләјирәм вә Һәзрәт Бәгијатуллаһ (ә) -а салам ҝөндәрирәм вә Аллаһдан бөјүк Имам Хомејни вә бөјүк шәһидләрин дәрәҹәләрини уҹалтмасыны диләјирәм.

Салеһ олан Аллаһ бәндәләринә салам олсун!

Сејид Әли Хаменеи

26 Тир 1400

6 Зилһәҹҹә 1442