د نړۍ له جلادانو په تیره بیا له امریکا او اسرائیلو بیزاری او کرکه باید ښکاره شی
د نړۍ له جلادانو په تیره بیا له امریکا او اسرائیلو بیزاری او کرکه باید ښکاره شی
بسم الله الرّحمن الرّحیم
و الحمد لله ربّ العالمین و الصّلاة و السّلام علی خیر البریّة سیّدنا محمّدٍ المصطفی و آله الطّیّبین و صحبه المنتجبین و من تبعهم باحسان الی یوم الدّین.
په زړه پورې ابراهیمی غږ چې د خداوندمتعال په فرمان سره ، درست انسانان په ټولو پړاؤنو کې د حج په موسم کې خانه کعبې ته بولی، سږکال ئې هم له درستې نړۍ څخه لکونو مسلمانان ،د توحید او وحدت او یووالی دغه مرکز ته مجذوب کړی او دا ولولناک او د مختلفو ملیّتونو د خلکو عظیم ټول او د اسلام د معنوی عامل قوت او پراخ انسانی ځواک ئې د ځان او پرَدیو په لور نندارې ته کاږلی دی.
د حج لویه اجتماع او پیچلی مناسک هرکله د تدّبر په سترګه ولیدل شی، نو د مسلمانانو لپاره د زړه قوت او د ډاډ سرچینه ده ، او د دښمن او بدغواړو لپاره له هیّبت ډکه او ویرؤنکی ده.
د حیرانتیا ځای نه دی ،که د اسلامی امت بدغواړی او دښمنان ،د حج د فریضې دغه دواړه لوری د تخریب او شک څپې وبریښوی، نو هغه که د دینی او سیاسی توپیرونو سترښودل وی او که د معنوی او دقدسی اړخونو کم بریښول.
قرآن کریم، حج د انسانانو د یوشان کرامت مظهر، د خشوع او ذکر او عبودیّت نښه، د انسان د معنوی او مادی ژوندمنظمیدا، د هدایت او برکت بیلګه، د وروڼو ترمینځ د عملی خبرو او اخلاقی آرامښت مظهر او د دښمنانو په وړاندې د بیزارۍ بیلګه او قدرتمنه جبهه معرفی کوی.
له حج سره په اړونده آیتونو کې تدّبر او ددغې بې مثاله فریضې په اعمالو او مناسک کې فکر او تامل، دا او د دوی په شان مخکې راز او رمزونه ،مونږ ته د حج په پیچلی ترکیب کې راښکارکوی.
تاسو حج اداکونکی خوئیندې او وروڼه، اوس ددغو حقایقو او لوړو معارفو د تمرین په ډګر کې یاست. خپل عمل او لیدتوګه ورسره لا نزدې او لانزدې کړئ ، او په دغو لوړو مفاهیمو سره اغښلی او رغول شوی هویّت بیرته کور ته له ځان سره یوسئ، دا د تاسو د حج د سفر هماغه حقیقی او ارزښتمن سوغات دی.
سږکال د برائت مسئله له تیرو کلونو څخه لا جوَته ده . د غزې بوږنونکی غمیزې چې په اوسمهال تاریخ کې بې ساری دی، او د سخت زړه او قساوت د بیلګې او د بې رحمه او البته د مخ په ځوړتیا صهیونیسټی رژیم ګستاخئ،،د هیڅ یوه مسلمانې فرقې ، حکومت ، ګوند او وګړی لپاره هیڅ ملاحظه او مماشات باقی پریښودلی نه دی. د سږکال برائت او کرکه باید د حج د میقات او موسم څخه ورآخوا په درستې نړۍ کې په مسلمان میشته هیوادونو او ښارونو کې دوام ومومی او د حج له ادکونکو ورآخو د خلکو نورو پرګنو ته هم وغزیږی.
له صهیونیسټ رژیم او د هغو له ملاتړو په تیره بیا د امریکا له متحده ایالاتو څخه دغه برائت او کرکه باید په قول او عمل کې خپلو ملتونو او حکومتونو ته وروښئئ او پر جلادو ډګر تنګ کړئ.
د فلسطین او د غزې د مظلومو او صبرناکو خلکو وسپنیز مقاومت چې د هغوی مقاومت او د صبر پرتم او ولولې، درسته نړۍ ستاینې او قدرونې ته اړکړې ده ،باید له هر اړخه ئې ملاتړ او پشتیبانی وشی.
له خداوندمتعاله د دوی لپاره د بشپړ او زر بریالیتوب دعا کوم او د تاسو قدرمنو حاجیانو لپاره هم د قبول حج هیله کوم.د حضرت بقیة الله (عجل) مستجابه دعا د تاسو پشتیبانه ووسه.
والسّلامعلیکمورحمةالله
سیّدعلی خامنهای
د ۱۴۴۵قمری کال د ذی الحجې ۴
د ۱۴۰۳لمریز کال د غبرګولې ۲۲
۲۲ خرداد ۱۴۰۳
