taleshi

Bismil-lahir-Rəhmani-Rəhim.

Vəlhəmdu-lillahi rəbbil aləmin.vəssəlatu vəssəlamu əla səyyidil-xəlği əcməinə Muhəmmədən və alihit-tahirinə və səhbihil-muntəcəbinə və əlat-tabiinə ləhum bi ihsani ila yəomid-din.

Və səlom bə şərifə Kəbə muminon tohidiyə mərkəz və təvaf kardə vırə və mələkon oqardə vırəy. Və səlam bə Məscidul-Həram və Ərəfat və Məşəro-Mina. Səlam bə xaşeə dılon və zikr bıvotə zıvon və çəşoni ki, de bəsirət oj bıən və fikoni ki, dərs qəteyədə ıştə roşon pəydo kardə və səlom bə şımə səodətinə hociyon ki, de İlahiyə dəvəti “ləbeyk “vote tofiğ və fəxr bə şımə ğısmət bəy və de ın neməti pur bıə səfəri piyo nıştən. 1minə vəzifə ın Beynəl-Xəlğ, tarixi və əbədiyə ləbbeyki barədə fik bıbu.

Innəl-həmdə vən-nimətə ləkə vəl-mulk.la şərikə ləkə ləbbeyk.

Həmmə sitayişon və şukron bə Xıdo məxsuse. Həmmə neməton Xıdovəndə-Xalığikuy və həmmə mılk və ğıvvəon həm bəy məxsuse. Ime ə diyəi ki, bə hoci ın pur məna fərizə 1minə ğədəmədə rosniyə bəy və çı mərosimi dəvom bərobər həmonə mənaədə bə nav şedə və bəvədə bənə qıləy əbədi və yodo benışə təlim çəy vədə noə bedə və jimoni proqramon bə ğayidə noe bə çəy əsosi çəyku tələb bedə ın yolə dərsi omute və əməl karde bə dərson həmonə bərəkətinə sərçəşməy ki, bəzne bə mıslımonon jimoni təravət, həyat və hərəkət doe və əvoni dıço bıə qiriftarionku, ın dıvran və həmə dıvranonədə bıroxno.

Nəfsaniyət, təkəbbır və şəhvəti but, zılm karde iyən zılmi ğəbul karde but Beynəl-Xəlğə istekbari but, tanbəli və məsuliyəti nıbe but və insoni qiramiyə coni qədə kardə bıton dıli nığıliku ın İbraimiyə nidoədə arışte bedən və ozodəti və səloməti bə vobəstəti, saxti və əzobi vırə bome.

Hociyə bıvon və hovon har millət və məmləkətiku, ilahi ın hikmət bıdə kəlimə fik bıkən və nığılə dinədə bə İslami dınyo qiriftarətion məxsusən Asiya ğərb və Afrika şimalədə bə şəxsi və ətrofədə bə imkanon və şərayiton əsos boştəno qıləy vəzifə və məsuliyət bıvıjnon və bəvədə fəaliyət bıkə.

Imruj ın məntəğədə Amerkə şərarətinə siyasətonədə ki, bə canq, insonon xuni ekarde, vironi, avarəti iyən fəğırəti və bə dumo mande həmçinin bə toyifəon və məzhəbiyə ixtilafon boyis bəy itərəfədə və seonist rejimi cinayəton ki, Fələstini məmləkətdə ıştə cinayətkorə hərəkətonış bəştə bəpeyə dərəcəon rosinyəşe və mutəmadiyə holətədə bə Əl-Əğsa məçiti be ehtroməti karde və məzlumə Fələstinıjon con və moli bə lınqi ji noe co qılə nəzədə şımə həmə mıslımonon əvvəlinə məsələy ki, bəpe çəy barədə fik bıkən və çəvon vədə ıştə İslamiyə təklifon bəznen və diniyə alimon, siyasi və mədəni huşinə şəxsiyəton ve qonə vəzifəonış heste təəssuf ki, umumən çəyku ğəflət kardən.

Alimon məzhəbiyə ixtilafon otəşi rost karde əvəzi və siyasion dışmenəti vədə bə dumo nışte əvəzi və mədəni huşinə şəxson bə be əhəmiyət və kənoədə bə movzon ğal be əvəzi İslam dınyo yolə dardon bızonon və ıştə risoləti ki, ilahiyə ədlə dərqahədə çəvon əncom doe məsuliyətış heste ğəbol bıkən və əvoni bə nəticə brosnon. Məntəğədə bə insoni bəme boyis bə hadisəon, İrağ, Şam, Yəmən, Bəhreyn, İordaniyə ğərbiyə sahil və Ğəzzədə iyən Asiyə və Afrikə co qılə məmləkətondə İslam umməti yolə qiriftarətiyonku hestin ki, Beynəl-Xəlğə istikbari fıtnəqərə daston əyo vinde bəznemon və bəpe çəy əloc kardeyo həm fik bıkəmon.

Milləton bəpe əy ıştə dıvlətonku tələb bıkən və dıvləton həm bəpe bəştə qonə məsuliyəti vəfodor bıbon və həcc və çəy əzəmətinə qırdımon ın tarixi vəzifə və təklifi zuhur və votemon kardeyo qıləy yolə vırəy və bəraətı fursəte ki, həmə hocion iştirak kardeyədə bəpe bəy əhəmiyət doe bıbu ın əzəmətin və Cameul-Ətrafə fərizə siyasiyə həcci mərosimi muhimmə qəlanku qıləyni bə hisob omedə. Imsor Məscedul-Həramı tel və bə ziyan boyis bə hadisə, hocion və çəvon milləton ro qıləy telə hadisə be.

Səhihe ki, ın hadisəonədə bə rəhmət şə kəson ki, nımoj və təvaf və ibodət karde holədə bə Xıdo vindemoni Ləbbeykışon votə bə qıləy yolə səadət rəsən və ın əmnə hərimədə bə rəhmət şin.inşallah ın qıləy yolə təsəlli və dılsandi çəvon mandə kəson roy. əmmo ın məsələ rəhminə Xıdo mehmonon əmniyəti təmin kardə kəson qonə məsuliyəti kam əkə ni  bə ım məsuliyəti əməl karde çəmə ğətiyə tələbonkuy.

Vəssəlamu əla ibadillahis-salihin.

Səyyid Əli Xameneyi.

Hicri-Ğəməri 1436,Zilhiccə-4